>>> پێناسه‌ی به‌یان

1-      "به‌یان" ماڵپه‌ڕێکی سه‌ربه‌خۆی ئازاده‌. گرێدراوی هیچ حیزب و لایه‌نێکی سیاسی نییه‌.

2-       به‌یان پێگه‌یه‌که‌ بۆ ئازادی ده‌ڕبڕین، تریبوونێکه‌ بۆ ره‌خنه‌ و رای جیاواز، سه‌رچاوه‌یه‌که‌ بۆ هه‌واڵ و زانیاری.

3-   به‌یان له‌ پاوانی هیچ که‌س و ستاڤ و گروپێکی دیاری کراودا نییه‌. ماڵپه‌ڕی هه‌موو ئه‌وانه‌یه‌ که‌ تێیدا ده‌نووسن و لێی ده‌خوێننه‌وه‌.

4-      تێچوو و خه‌رجییه‌کانی به‌یان له‌ لایان نووسه‌ران و خوێنه‌رانییه‌وه‌ دابین ده‌کرێت.

     >>>ئامانجی به‌یان

1-      پێدانی زانیاری و هه‌واڵ به‌ تاکه‌کان و بڵاوکردنه‌وه‌ی زانیاری و ئاگاداری له‌ ئاستی کۆمه‌ڵگه‌دا.

2-      په‌ره‌پێدان به‌ ئازادیی رۆژنامه‌گه‌ری و رۆژنامه‌وانی ئازاد.

3-   هه‌وڵدان بۆ خه‌مڵینی کولتوری فره‌ ره‌هه‌ندی، یه‌کتر قه‌بووڵ کردن و پێکه‌وه‌ هه‌ڵکردنی گروپه‌ کۆمه‌ڵایه‌تی و سیاسییه‌ جیاوازه‌کان.

4-   هه‌وڵدان بۆ دروست کردنی کولتووری ره‌خنه‌ و دیالۆگ و چاره‌سه‌ر کردنی هه‌موو کێشه‌کان به‌ دیالۆگ و گفتوگۆ و دوور که‌وتنه‌وه‌ له‌ زه‌بروزه‌نگ و توندوتیژی.

5-   هه‌وڵدان بۆ بڵاو کردنه‌وه‌ی‌ کولتوری ململانێی هێمنانه‌ و شارستانیانه‌ و دوور که‌وتنه‌وه‌ له‌ په‌نابردن بۆ چه‌ک، له‌ یه‌کلاکردنه‌وه‌ی کێشه‌ و ململانێکان دا.

6-   ده‌رفه‌ت ره‌خساندن بۆ بڵاوکردنه‌وه‌ی ده‌نگی ئه‌و تاک و گروپانه‌ی که‌ خۆیان، ده‌رفه‌ت و کاناڵ و که‌ره‌سته‌ی ده‌نگهه‌ڵبڕینیان نییه‌، یان له‌ بیر کراون و په‌ڕاوێز خراون.

      >>>پرنسیپه‌ گشتییه‌کانی به‌یان

1-      به‌یان لایه‌نگری ئازادیی و فره‌چه‌شنی و دژ به‌ دیکتاتۆری و تووتالیتاریسم له‌ هه‌ر شکڵ و شێوازێکی دایه‌.

2-      به‌یان به‌رپرس نییه‌ له‌ ناوه‌رۆکی ئه‌و نووسین‌ و وتارانه‌ی بڵاوی ده‌کاته‌وه‌، نووسه‌ران خۆیان لێی به‌رپرسن.

3-      به‌یان ره‌چاوی بنه‌ما و پرنسیپه‌ ناسراوه‌کانی رۆژنامه‌وانی ئازاد و ئه‌خلاقی رۆژنامه‌وانی ده‌کات.

4-      زمانی ئه‌سڵی نووسین له‌ به‌یاندا کوردییه‌. هاوکات بابه‌ت و نووسینی فارسی بڵاو ده‌کاته‌وه‌.

5-   به‌یان ئه‌و هه‌واڵانه‌ بڵاو ده‌کاته‌وه‌ که‌ خاوه‌نی هه‌موو ره‌گه‌زه‌کانی پێکهێنه‌ری هه‌واڵن و سه‌رچاوه‌که‌ی دیاری بێت.

6-   به‌یان ئه‌و نووسینانه‌ بڵاو ناکاته‌وه‌، که‌ زمانی زه‌بری تێدایه‌ و رێز و که‌سایه‌تی تاک و گروپه‌کان بشکێنێ و ناویان بزڕێنێ.